Zbulohen kandidaturat e propozuara në mbledhjen e PD për Bashkinë Tiranë

Gazetari Ardit Hoxha zbuloi në emisionin Barometri kandidaturat e propozuara në mbledhjen e grupit të PD të thirrur nga Enkelejd Alibeaj për bashkinë Tiranë.

Ai tha se mes emrave të përmendur kanë qenë edhe Gazment Bardhi dhe Jorida Tabaku, por janë hedhur poshtë.

“Pas disa emrave i Lajla Përnaska apo Rudi Erebara gjatë ditës së sotme është hedhur edhe emri i Roland Bejkos dhe Jonila Godole. Ka pasur edhe disa propozime surprizë si Gament Bardhi apo Jorida Tabaku po ata nuk i kanë pranuar se janë në grupin e atyre deputetëve që duan që PD zyrtare të mos dalë me kandidatë”, tha gazetari.

Ai tregoi se teza më e mbështetur në mbledhje ishte që partia e Alibeajt të mos nxjerrë kandidatë për kryetarë bashkie, por logoja të futet me kandidatë për anëtarë të këshillave bashkiakë.

LEXONI GJITHASHTU:

• Si e vlerësojnë qytetarët e Tiranës PD-në e Berishës
• Përfaqësuesit e PD Korçë nuk erdhën të përballen me të rinjtë, reagimi i moderatores