Policia kontrolle në banesën e të shumë kërkuarit në Durrës, arrestohet babai

Policia e Durrësit ka ushtruar kontrolle për kapjen e një personi të shpallur në kërkim për plagosje të rëndë me dashje dhe armëmbajtje pa leje.

Gjatë kontrollit në banesën e 32-vjeçarit, policia ka sekuestruar një armë zjarri pistoletë dhe municion luftarak.

Në pranga ka përfunduar dhe babai i të pandehurit, për veprën penale të “Armëmbajtjes pa leje”.

Materialet i kaluan Prokurorisë pranë Gjykatës së Shkallës së Parë Durrës, për veprën penale “Mbajtja pa leje dhe prodhimi i armëve, armëve shpërthyese dhe i municionit”.

“Në vijim të punës për kapjen e personave të shpallur në kërkim, shërbimet e Komisariatit të Policisë Durrës, në kuadër të operacionit të koduar “Sukthi”, ushtruan kontroll në banesën e 32-vjeçarit F. D., i shpallur në kërkim, me masë sigurie “Arrest në burg”, në mungesë, për plagosje të rendë me dashje dhe armëmbajtje pa leje.

Gjatë kontrollit, shërbimet e Policisë kanë gjetur dhe sekuestruar një armë zjarri pistoletë dhe dy krehra pistolete me 18 fishekë luftarak, ndërsa 32-vjeçari nuk është gjetur në banesë”, njofton policia.

LEXONI GJITHASHTU

• EMRI | Arrestohet 44-vjeçari që shpërndante kokainë në ish-Bllok
• Parandalohet një vjedhje me armë në Lushnje, 3 persona shpallen në kërkim
• Përshtatën lokalin për lojëra fati, pranga 3 administratorëve në Tiranë