Samiti i BE-së kundër terrorizmit, Seehofer: Po luftojmë kundër ekstremizmit fanatik, jo fesë

Pasi militantë të dyshuar islamistë vranë 8 persona në Paris, Nisë dhe Vjenë brenda 1 muaji, Gjermania u shpreh se “terrorizmi nuk ka shanse” kundër një superfuqie të bashkuar evropiane.

Duke folur pas një takimi virtual të ministrave të brendshëm të Bashkimit Evropian, ministri i Brendshëm gjerman Horst Seehofer tha se ata nuk luftojnë kundër një religjioni, por kundër ekstremizmit fanatik dhe të dhunshëm.

Sipas Seehofer, unioni duhet të ketë informacione për personat që hyjnë dhe dalin në kufijtë e bllokut, ndërsa propozoi forcim të dallueshëm të tyre, gjë për të cilën ka dakordësi mes vendeve.

Presidenti francez, Emmanuel Macron dhe kancelarja gjermane Angela Merkel u shprehën në fillim të javës se zona Shengen, ku udhëtohet lirisht, duhet të pësojë ndryshime urgjente.