Ministrja Olta Xhaçka: Bashkëpunimi Shqipëri-RMV është model për fqinjët e rajonit
Ministrja për Punët e Jashtme Olta Xhaçka ishte këtë të hënë në një deklaratë të përbashkët për mediat me homologun e saj të Republikës së Maqedonisë së Veriut Bujar Osmanin.
Ajo e ka quajtur kënaqësi të veçantë bashkëpunimin me zotin Osmanin, ndërkohë që ka thënë se së bashku kanë folur për mënyrat se si mund të intensifikohet më tej bashkëpunimi mes dy vendeve.
Ministrja Xhaçka tha se me homologun e saj Osmanin kanë biseduar dhe ndajnë të njëjtin vizion edhe për korridorin 8 të cilin e shikojnë si bosht të bashkëpunimit mes tyre.
“Ishte kënaqësi e veçantë që pata mundësinë të vizitojë kolegun dhe mikun e dashur, Ministrin e Punëve të jashtme të Republikës së Maqedonisë Burjar Osmani. Qeveritë tona kanë një komunikim vërtet miqësor, vërtet konstruktiv për një gamë shumë të gjerë çështjesh.
Dua të theksoj se ndihem krenare që bashkëpunimi mes Shqipërisë dhe Maqedonisë së veriut është kthyer në një model bashkëpunimi mes fqinjve në rajonin tonë. Ne patëm mundësinë që të diskutonim ashtu siç tha Bujari për mënyrat se si mund ta intensifikojmë më tej bashkëpunimin mes nesh, jo vetëm në fusha si infrastruktura, por edhe energjia, shkëmbimet tregtare, arsimi, kultura etj.
Me Bujarin ndajmë një vizionë të përbashkët edhe për korridorin 8. Për atë dua ta përgëzoj pasi ka marrë një rol vërtet proaktiv në këtë proces. Sepse përtej dimensionit rajonal dhe europian mund të shërbejë edhe si bosht i bashkëpunimit dhe shkëmbimeve mes vendeve tona”,-tha ministrja Olta Xhaçka.
LEXONI GJITHASHTU:
Gazetarja: Rama përballë “fëmijëve politikë” të tij, kërkojnë zgjidhje për problemet e krijuara nën qeverisjen e tij
Aktivisti Goci: Një agjent nuk del me fytyrë të kërkojë dorëheqjen e kryeministrit
“Rama jepe dorëheqjen”, protestuesit marshojnë dhe ndalen para Parlamentit në Tiranë
- 09:31 Koreja e Veriut teston sisteme të raketave, Kim Jong Un: Situata ndërkombëtare kërkon epërsi të plotë në forcën ushtarake
- 09:25 Vazhdojnë bisedimet Izrael-Liban në Uashington
- 09:20 Treni përplas makinën në Britani, humb jetën shoferja. Pasagjerja 8-vjeçare në gjendje kritike
- 09:18 Ndalimi i rrjeteve sociale për adoleshentët, Australia synon masa më të ashpra
- 09:07 Rikthehet MABCO në Aeroportin e Vlorës pas vendimit të Gjykatës së Lartë, pritet rinisja e punimeve
- 09:06 Të shtënat në Shkodër, arrestohen 2 persona dhe shpallet në kërkim 1 tjetër. Sekuestrohen armë dhe municione (VIDEO)