Fuqia e Shqipërisë, ja sesi mund të ndihmojë Kosovën. Eksperti zbardh planet

Kryeministri i Kosovës, Albin Kurti një ditë më parë vizitoi Tiranën.

Kreu i qeverisë së Kosovës u prit nga krerët më të lartë të shtetit shqiptar dhe në qendër të takimeve ishin bisedimet Kosovë-Serbi.

Analisti Gazmir Raci tha në një intervistë për Euronews Albania se roli i Shqipërisë në ndihmë të Kosovës mund të jetë i madh dhe i padiskutueshëm.

Sipas tij, kontributi më i madh do të mund të ishte në kuadër të  NATO, nëse nis partneriteti për paqen, ku Shqipëria mund ta ndihmonte shumë Kosovën nga përvoja e drejtpërdrejtë që ka në aleancë.

“Kontributi më i madh do të mund të ishte në kuadër të NATO; nëse fillojmë procesin e partneritetit për paqe Shqipëria do ndihmonte shumë nga përvojë e saj e drejtpërdrejtë. Në rrugën e aplikimit të vendit kandidat në BE, Shqipëria e ka të gjithë dokumentacionin e përkthyer në shqip dhe kjo do të ishte ndihma më e madhe që i është dhënë Kosovës. Shqipëria duhet të jetë proaktive në të gjitha 5 vendet mosnjohëse e me të cilat Shqipëria ka marrëdhënie të shkëlqyera diplomatike, sidomos ndaj Spanjës që ka një mungesë të theksuar vullneti për bisedime me Kosovën”, tha Daci.

LEXONI GJITHASHTU:

• Kurti pas takimeve në Tiranë: Çështjet që diskutova me krerët e politikës shqiptare
• “Kurti mik i posaçëm, Vuçiç vëllai nga Beogradi!” Analisti: Rama shkon më mirë me…