Garojnë në zgjedhjet lokale, dy deputetë të PS-së dorëzojnë mandatin në Kuvend

Deputetët e Partisë Socialiste, Besjan Ajazi dhe Benet Beci dorëzuan këtë të hënë mandatin e deputetit në Kuvend, pasi do të kandidojnë në zgjedhjet lokalet të 14 majit.

Deputeti Besjan Ajazi është kandidati zyrtar i PS-së për Bashkinë e Gramshit, ndërkohë që Benet Beci do të garojë në Shkodër përballë kryebashkiakut aktual Bardh Spahia.

Ndërkohë që ditën e premte dorëzuan mandatin dhe deputetët e Partisë Demokratike Luçiano Boçi dhe Belind Këlliçi, të cilët do të kandidojnë gjithashtu në zgjedhjet lokale nën siglën e koalicionit “Bashkë fitojmë”.

Boçi do të garojë përballë Gledian Llatjas në Elbasan, ndërkohë që Këlliçi është sfidanti i Veliajt për Tiranën.

Ndërkohë, që ditën e sotme pritet të dorëzojë mandatin e deputetit dhe Zef Hila, i cili është kandidati i primareve për Vaun e Dejës.

LEXO GJITHASHTU:

• Afati i fundit në KQZ, PD pritet të garojë në 16 bashki, mungojnë ende dy emra
• Kryesia e PD e drejtuar nga Alibeaj zgjedh kandidatin për Tiranën