Klevis Balliu: Ka ikur 35% e popullit, dramë e madhe kombëtare

Klevis Balliu tha se është absurditet që Mbretëria e Bashkuar t’i kërkojë kryeministrit shqiptar ta ndihmojë me emigracionin pasi sipas tij ai ëhstë vetë shkaktari i emigracionit.

Shefi i organizimit të Partisë Demokratike i ftuar në emisionin “Now” e quajti dramë të madhe largimin e 35% të popullsisë shqiptare dhe ka bërë përgjegjës të kësaj kryeministrin Rama.

“Problemet e emigracionit për Mbretërinë e Bashkuar vijnë si rrjedhojë e shpopullimit të Shqipërisë në mas. Në këto 8 vite kemi 900 mijë të larguar dhe si Anglia janë prekur dhe vende të tjera të europës. Shpopullimi nuk është një pasojë, është një plan, është një projekt i mirëmenduar dhe ka arsye dhe fakte konkrete të cilat e provojnë këtë.

T’i kërkojë mbretëria e Bashkuar Edi Ramës sot ta ndihmojë me emigracionin, kur ai është prodhuesi i gjithë këtij emigracioni, është si t’i kërkosh Pablo Escobarit të luftojë drogën. Është absurditet! Duan të largojnë emigracionin, le të largojnë Edi Ramën.

35% e popullit nuk ëhstë rastësi. Kur largohet 35% e popullit është një dramë e madhe e kombëtare. 12 mijë vetëm me gomone, është një katastrofë për një vend të vogël si ne. Me 35% të shqiptarëve, faktikisht ti po largon faktorin shqiptar nga rajoni”,-tha për Euronews Albania, Klevis Balliu.

LEXONI GJITHASHTU:

• Të shtënat me armë pranë banesës së policit, detaje nga ngjarja në Shkodër
• Kthimi i emigrantëve, ambasadori britanik: Kush do të bëjë burg në Shqipëri
• Britania dhe Polonia do të ndërtojnë fshatra të përkohshme në Ukrainë