Video nga kamerat e trupit të policisë| Aksioni pas sulmit në shkollën në Nashville

Policia ka publikuar pamjet nga kamerat e trupit të aksionit që u zhvillua në një shkollë në Nashville, Tennessee pas sulmit terrorist nga një 28-vjeçare transgjinore.

Ish-nxënësja e shkollës së krishterë vrau 6 persona, përfshirë tre fëmijë nëntë vjeç.

Ajo kishte në posedim 7 armë që ishin blerë në mënyrë të ligjshme në 5 dyqane të ndryshme në qytet. Prindërit e të resë, në shtëpinë e të cilëve ishin fshehur armët, thanë se nuk ishin në dijeni që 28-vjeçarja kishte armë dhe se do t’i largonin menjëherë nëse do të ishin në dijeni, raporton BBC.

Ata treguan gjithashtu se vajza transgjinore kishte probleme me shëndetin mendor dhe po kurohej.

Tenesi nuk ka ligje që lejojnë policinë të sekuestrojë armë nga të dyshuarit e dhunshëm.

Një zëdhënës i policisë tha se sulmuesja nuk kishte në shënjestër asnjë person në veçanti, por kishte në shënjestër “këtë shkollë, këtë ndërtesë kishe”.

LEXONI GJITHASHTU:

• Gjakftohtë dhe e armatosur “deri në dhëmb”, momenti kur 28-vjeçarja sulmon shkollën
• Eksperti: Shoferët kanë më shumë frikë nga kamerat se nga policët