Eksperti: Shoferët kanë më shumë frikë nga kamerat se nga policët

Eksperti i sigurisë rrugore, Fatmir Hasho tha në një intervistë për “Good morning Albanians” në Euronews Albania se drejtuesit e mjeteve i frikësohen më shumë kamerave të vendosura në rrugë për monitorimin e sigurisë, se policëve.

Sipas tij forma e digjitalizuar e ndëshkimeve është më efikase sepse natyrshëm marrëdhënia mes njerëzve është më e manipulueshme.

“Nëse nëpërmjet këtij sistemi monitorimi do të vendosen këto gjoba ne kemi mundësi që të verifikojmë dhe personat të cilët kanë shkelje të shumta në një afat të shkurtër kohor ku duhet të merren masa shumë të rrepta ndaj këtyre personave,” – u shpreh eksperti.

Hasho tha se është e rëndësishme që të vlerësohen edhe ata shoferë që nuk janë përfshirë në aksidente, apo nuk janë ndëshkuar, por bëjnë lëvizje të gabuara në rrugë, në mënyrë që të parandalohen aksidentet.

LEXONI GJITHASHTU:

• Hasho: Vendosja e kamerave dhe radarëve në rrugë është pozitive, do ulet shpejtësia
• Gazetari tregon skemën: Si do t’i hapet rrugë ardhjes së shqiptarëve në Londër