Mjeku urolog: Në Kosovë identifikohet me vonesë sëmundja, pasi ka agravuar

Mjeku urolog Arton Grajqevci tha në një intervistë për “Good morning Albanians” në Euronews Albania se në Kosovë sëmundja e një pacienti identifikohet me vonesë.

Sipas tij, ka pacientë të cilët paraqiten për të marrë mjekim pasi sëmundja ka agravuar.

“Në Kosovë kam pasur disa pacientë që kanë ardhur, e kam diagnostikuar me tumor dhe i kam thënë është mëse e nevojshme që të fillojmë të bëjmë operacionin sepse sa më herët të merren masa aq më mirë është dhe për heqjen e tumorit, por varet ka pacientë që e neglizhojnë dhe nuk vijnë nga frika me idenë se nuk e di çfarë do të ndodhë,” – u shpreh Grajqevci.

Mjeku shtoi se deri më sot të gjithë pacientët janë pak a shumë njësoj dhe nuk është përballur me pacientë të cilët nuk janë bashkëpunues dhe nuk sillen ashtu siç duhet në mënyrë që t’i japin zgjidhje problemit të tyre shëndetësor me ndihmën e mjekut.

LEXONI GJITHASHTU:

• 29-vjeçarja me mjekër 10 centimetër nuk e fsheh më! I dashuri e adhuron…
• Mjeku: Shqiptarët ushqehen më keq se gjermanët, shumë yndyrna dhe sheqer