“Kur jam e stresuar, frymëzohem shumë për pikturat e mia”- artistja ndan emocionet

Ingrid Xheraj është një artiste shumë e veçantë me një botë shpirtërore me shumë ngjyra, të cilën e pasqyron edhe në pikturat e saj shumë të bukura.

Nesër ajo do të hapë në ekspozitë të cilën ka zgjedhur që ta quajë “Të vërtetat Ingridit”. Ndoshta kjo është edhe një lojë fjalësh për faktin se nesër është edhe e ashtuquajtura si dita e gënjeshtrave, por edhe sepse ajo përmes artit të saj dëshiron që të zbulojë shumë të vërteta për publikun që po na ndjek.

Në një intervistë për emisionin Good Morning Albanians Euroneës Albania ajo tha se emri i ekspozitës lidhet me historitë e saj personale të hedhura në telajo.

Ingriti tregoi se ka nevojë të jetë vetëm që të frymëzohet për pikturat e saj, ndërsa shtoi se kur është e stresuar frymëzohet më shumë për pikturat e veta.

“Ekspozita janë historitë e mia të pasqyruara në piktura. Kur jam në stres është momenti i duhur kur duhet të pikturoj”, tha piktorja.

Ndiqni intervistën e plotë: