Kush do jetë presidenti i Malit të Zi? Gazetari tregon se çfarë thonë sondazhet

Në zgjedhjet presidenciale në Mal të Zi të cilat do të mbahen më 2 prill konkurrojnë dy kandidatë me profil të ndryshëm politik, njëri me përvojë politike 34 vjeçare, ndërsa tjetri nga një parti jo parlamentare

Bekim Coba gazetar nga Mali i Zi tha në një intervistë për Euronews Albania se sondazhe zyrtare në Mal të Zi nuk ka pasur, ndërsa sondazhet në rrjetet sociale kanë qenë propagandë.

Ai tregoi se një sondazh para zgjedhjeve presidenciale e nxori Milo Gjukanoviç në një rënie të lehtë gjë që tregonte për një garë të fortë mes dy kandidatëve.

“Qëndrimi i shqiptarëve në këto zgjedhje nuk është unik, disa përkrahin Gjukanoviç, ndërsa shumica kanë vendosur të qëndrojnë neutralë. Kjo pasi Gjukanoviç i ka neglizhuar interesat dhe kontributin e shqiptarëve, raundi i parë tregon se nuk ka një vullnet për të përkrahur njëri apo tjetrin. Diferencën do ta bëjnë votuesit e kandidatëve të tjetër për të dalë nëse do të dalin për të mbështetur kandidatin që  kanë thënë liderët e partive”, tha gazetari.

LEXONI GJITHASHTU:

• Abazoviç mbështet rivalin e Gjukanoviçit: Mali i Zi do një president të ri
• Mali i Zi zgjedh sot presidentin e ri, Gjukanoviç synon mandatin e tretë