Numri i viktimave të Covid-19, ende asnjë përgjigje zyrtare për shifrat e pretenduara nga PD

Një ping–pong deklaratash mes QSUT-së dhe Institutit të mjekësisë ligjore lidhur me akuzat e Kryetarit të partisë demokratike. Asnjë nga institucionet nuk ka kthyer zyrtarisht përgjigje, duke ia kaluar përgjegjësinë njëri-tjetrit mbi vërtetësinë e dokumenteve të publikuara nga Basha se numri real i viktimave të covid-19 është më i lartë se numri i raportuar.

Pas pretendimit të partisë demokratike se shifrat e viktimave nga Covid-19 janë manipuluar, ende nuk ka asnjë reagim zyrtar nga QSUT apo Instituti i Mjekësisë ligjore. Të dyja institucionet ja kanë kaluar përgjegjësinë njëra-tjetrës për varësinë e Morgut. 

Euronews Albania pyeti zyrtarisht edhe qendrën spitalore universitare por kjo e fundit nuk ka pranuar të japë asnjë detaj mbi vërtetësinë e deklaratave të Lulzim Bashës.

Lidhur me akuzat e kryetarit të opozitës për manipulim të numrit të viktimave nga Covid-19 burime nga SPAK bëjnë me dije se nuk është kompetencë e këtij institucioni. Euronews Albania kontaktoi zyrtarisht edhe me Prokurorinë e Tiranës që e ka në kompetencë, por ky institucion nuk bën me dije nëse do nisë verifikimet apo hetim kryesisht mbi akuzat.

Lexoni gjithashtu:

Akuzat e Bashës, Ministria e Shëndetësisë: Cenojnë rëndë dinjitetin e bluzave të bardha

Akuzat për fshehje të vdekjeve nga COVID, përgjigjen mjekët: Tronditëse, do thërrasim prokurorinë

Akuza e Bashës për shifrat e vdekjeve nga COVID, Rama: Cënoi integritetin e mjekëve