“Pse më ngacmon motrën”- Si lindi sherri në Pogradec, i riu transportohet te Trauma

Lidhur me ngjarjen e ndodhur në fshatin Çerravë ditën e sotme, ku një adoleshent ka ngelur i plagosur me thikë janë zbardhur detaje të tjera.

“Molla” e sherrit midis adoleshteve ka qënë një vajzë, e cila është kapur duke folur nëpërmjet rrjeteve sociale me të riun R.P. nga vëllai i saj Orgito Hoxha.

Ditën e sotme ka qenë drejtoria e shkollës e cila ka thirrur vajzën bashkë me adoleshentët e tjerë për të shuar situatën, ndërkohë që në momentin kur vëllai i vajzës ka dalë nga shkolla ka qenë shoku i R.P, Marino Beshello ai i cili e ka goditur me kasketë në kokë Orgito Hoxhën e gjatë konfliktit ka nxjerrë thikën, duke e plagosur dy herë në pjesë të ndryshme të trupit.

I riu R.P në deklaratën e tij në policinë e Pogradecit është shprehur se në asnjë moment nuk i ka kërkuar Marino Beshellos të konfliktohet me vëllain e vajzës që ai ka komunikuar në rrjete sociale.

Mësohet se Orgito Hoxha momentalisht ndodhet në reaminacion në spitalin e Traumës në Tiranë, për të marrë mjekim të specializuar.

Menjëherë është bërë e mundur arrestimi i autorit të ngjarjes, i cili ka shprehur pendim para forcave blu.

LEXONI GJITHASHTU: 

• Goditet në Spanjë klani “Farruku”, 20 të arrestuar. Mes tyre dhe avokati i njohur
• U kap me 8 pistoleta në furgon, lihet në burg Kaloshi, çfarë deklaroi në Gjykatë
• EMRI| Me furgonin me armë drejt Anglisë, arrestohet 35-vjeçari në Portin e Durrësit