Tragjike, akrobatja rrëzohet për vdekje nga lartësia gjatë spektaklit

17 Prill 2023 | 17:44

Një akrobate kineze ka vdekur pasi u rrëzua për vdekje gjatë një shfaqjeje të shtunën. Gruaja, e quajtur Sun, ra gjatë një shfaqjeje me trapez fluturues në qytetin Suzhou në provincën qendrore Anhui.

Pamjet janë bërë virale në mediat sociale duke treguar gjimnasten duke rënë pasi një ushtrim shkoi keq me partnerin e saj akrobatik, i cili ishte edhe bashkëshorti i zonjës Sun.

Zonja Sun ra nga një lartësi e konsiderueshme pasi gjimnasti mashkull nuk arriti ta kapte me këmbët e tij gjatë një tranzicioni.

Ajo u dërgua në spital ku përpjekjet e mjekëve për t’i shpëtuar jetën dështuan. Faqja e njohur e lajmeve The Paper raportoi se ajo la pas dy fëmijë.

Zyrtarët thonë se po hetohet për ngjarjen.

Partneri akrobatik i zonjës Sun, me mbiemrin Zhang, ishte burri i saj. Sipas The Paper, akrobatët kishin punuar së bashku për “shumë vite” dhe ata shpesh kishin performuar pa rripa sigurie “për hir të pamjes së mirë”.

Pamjet kanë tmerruar njerëzit në Kinë dhe megjithëse përdoruesit e mediave sociale në vend kanë pranuar se akrobaci mbart një nivel të lartë rreziku, disa kanë shprehur shqetësimet e tyre për masat e dobëta të sigurisë të industrisë.

 

LEXONI GJITHASHTU:

Home Kryefaqja
Shiko në: YouTube
Lajme të Sugjeruara

Deklaratat antisemite të artistit, Gjykata holandeze i hap rrugën koncerteve të Kanye West

Reperi amerikan Kanye West do të lejohet të mbajë dy koncerte në Holandë, pasi një gjykatë në Amsterdam vendosi se performancat e planifikuara mund të...
09:24 | 04/06/2026

SpaceX drejt ofertës publike fillestare më të madhe në histori, prej 75 miliardë dollarësh

SpaceX, kompania e teknologjisë hapësinore dhe komunikimeve satelitore e drejtuar nga Elon Musk, po planifikon të mbledhë rreth 75 miliardë dollarë përmes një oferte publike...
09:11 | 04/06/2026

Dhoma e Përfaqësuesve miraton masën për t’i dhënë fund luftës në Iran

Dhoma e Përfaqësuesve në Shtetet e Bashkuara ka miratuar rezolutën për kompetencat e luftës që synon të frenojë fushatën ushtarake të presidentit amerikan, Donald Trump,...
08:43 | 04/06/2026