“Erdha me tram”, Veliaj ironizon opozitën: Pse s’bëni transport falas në Shkodër

Kryebashkiaku Erion Veliaj ishte këtë të hënë në Pezë për të zhvilluar fushatën e tij elektorale. Ai përsëriti edhe një herë se kanë vendosur që në këtë fushatë të mbjellin  pemë, pasi sipas tij, ato do të mbeten edhe pas përfundimit të zgjedhjeve.

Veliaj nuk la pa përmendur edhe kundërshtarin duke kritikuar premtimet e tij për transport falas. Ai ironizoi kreun e mëparshëm të PD, Lulzim Basha për tramin e premtuar si dhe tha se nëse Berisha do të bëjë gjëra falas pse nuk e ka bërë këtë me Shkodrën, bashkia e të cilës drejtohet nga demokratët.

“Në këtë fushatë do dëgjoni lloj-lloj çudirash. Ne në Tiranë jemi mësuar. Ju kujtohet kur dëgjonim për tramin? Unë erdha me tram deri këtu se ju e dini që Luli, Saliu, Iliri e bën tramin. Tani po dëgjojmë lloj-lloj çudirash nga ata që po kandidojnë. Ju e patë Saliun që ditën e pushimit erdhi te shkalla e bashkisë për të na thënë që po kandidojmë me Sali Berishën.

Unë kam  një pyetje për Sali Berishën, kur ai premton gjithë këto gjëra falas, duket sikur nuk ka asnjë pushtet. Po ai e ka bashkinë e Shkodrës. Kështu që Saliu që kërkon të bëjë gjëra falas për Tiranën, pse nuk fillon t’i bëjë që tani në Shkodër. Ta bëj falas në Shkodër e ta shikojë si do shkojë Shkodra si kovë pusi për tre ditë. E ka mundësinë ta  bëjë trenin falas, taksinë falas, aviona falas për në Shkodër, autobusa falas. Një gjë bën falas ata Saliu dhe Iliri, e mbani mend kush ishte? Torta ishte falas. U bëmë gazi i botës”,-tha Erjon Veliaj.

LEXONI GJITHASHTU:

• Investimet në Mat. Zv.kryeminstrja Balluku dhe kandidati Malaj tregojnë projektet
• Zgjedhjet në Turqi, mbi 60 milionë shtetas kanë të drejtë të votojnë
• Roland Bejko: Berisha shpenzoi 200.000 euro për fushatën në stadium