7 të plagosur 1 i vdekur, bilanc alarmant në prill, adoleshentët qëllohen me thika

I gjithë vendi është përfshirë muajt e fundit nga një seri ngjarjesh të rënda, ku protagonistë janë kryesisht adoleshentë, të cilët konfliktohen me njëri-tjetrin duke përdorur kryesisht thika.

Vetëm ngjarjet e regjistruara brenda muajit prill flasin për një bilanc alarmant të të rinjve të plagosur me mjetë prerës.

Në gati tre javë të këtij muaji, janë shtatë të rinj të plagosur me thikë dhe një prej tyre i vdekur. Pesë prej të plagosurve janë të moshës 18 vjeç, një i moshës 17 vjeç dhe një tjetër 19 vjeç.

Ngjarjet janë regjistruar kryesisht në Tiranë, me më të rëndët atë të vrasjes 20-vjeçarit në afërsi të gjimnazit “Partizani”. Rastet e tjera janë shënuar në Shkodër, Korçë dhe Pogradec.

Nëse do të llogariten edhe ngjarje të tjera të plagosjeve me thikë të moshave më madhore, atëherë bilanci i të plagosurve do të rëndohej, pasi raste të tillë kanë qenë të shpeshta përgjatë këtij muaji në Tiranë, Durrës dhe Vlorë.

LEXONI GJITHASHTU:

• Ekskulzive/ Pamjet e vrasjes me thikë të 20-vjeçarit, viktima vrapon drejt banesës
• Tiranë, 20-vjeçari goditet me thikë për vdekje