Rama video-mesazh për tërmetin e 26 nëntorit: Më e keqja është pas krahëve

Kryeministri Edi Rama ndodhet në Emiratet e Bashkuara Arabe, ku e ka nisur ditën e sotme me një video-mesazh për të prekurit nga tërmeti tragjik i 26 nëntorit të vitit 2019.

“I paharruar kujtimi i viktimave të tragjedisë së një viti më parë.

Më e keqja është pas krahëve dhe më e mira është e gjitha përpara nesh”, shkruan kreu i qeverisë krahas video-mesazhin të publikuar në Facebook ku shfaqen edhe pamje drithëruese.

Ndërkohë në video-mesazh ai shprehet se 26 nëntori ishte ditë tmerri dhe se menjëherë pas lëkundje të forta kërkoi ndihmë tek qeveritë e huaja.

“U zgjuam natën nga tundja e shtëpisë. Ishin tmerr. Menjëherë telefonatat, Durrësi keq, aty ishte epidendra. Mbërrin makina dhe nisem direkt për Durrës dhe gjithë rrugës flisja me kë të mundja nga ministrat. Laçi, Thumana keq. Të gjithë ishim në këmbë për hir të së vërtetës, se kishim provuar kurrë më parë diçka të tillë në jetën tonë. I kam çuar aty në makinë në atë stres dhe në atë nxitim sms disa nga shefave të qeverive që i ndjeja më afër në atë momente”, shprehet ndër të tjera Rama.

Ai thekson më tej se të gjithë duhet të kemi durim dhe se përkushtimi dhe puna nga ana e qeverisë nuk mungon. 

“Njerëzit ankohen me të drejtë sepse ka ende për të bërë, unë nuk kënaqem kurrë nga vetja. Në këtë punë kam mësuar durimin. Duhet shumë durim. Shqipërinë e gjetëm si ato pallatet që rëna dhe po e mbajmë.Na duhet kohë dhe punë e durim sepse përkushtimi i madh nuk na mungon”, tha ai. 

Lexoni gjithashtu:

Euronews Albania në zonat e dëmtuara nga tërmeti, banorët ende në ‘qiell të hapur’: Po flemë në çadra, s’kemi më besim tek shteti

Një vit pas tërmetit të 26 nëntorit thirrjet për drejtësi vazhdojnë ende