“Duhen më shumë hotele në Jug”, Bedinaj: T’i paraprijmë ndërtimit të aeroportit

Vasil Bedinaj, kreu i Operatorëve Turistikë për Jugun tha në një intervistë për Euronews Albania se ka Jugu ka kërkesa që i kapërcejnë kapacitetet aktuale akomoduese.

Sipas tij, duhen më shumë hotele në Jug që t’i paraprijnë ndërtimit të aeroportit të Vlorës.

“Durrësi dhe Vlora do të ketë në miks të turistëve, ardhja e spanjollëve, belgëve, gjermanëve italianëve është diçka pozitive. Kjo është punë e operatorëve që e kanë promovuar, paketa dhe cilësia e shërbimit është shumë më e mirë. Kemi pasur polakët, çekët dhe vendet lindore, vitet e fundit kemi pasur qasje të Evropës Qendrore. Nuk ndikohemi nga mosardhja e rusëve pasi një treg zëvendësohet me një tjetër. Ajo që kërkojmë është që të ndërtohen sa më shumë hotele dhe resorte në Jug se përfundimi i i aeroportit do na gjejë të papërgatitur për numrin e shtretërve, nuk kemi struktura akomoduese të mjaftueshme”, tha Bedini.

LEXONI GJITHASHTU:

• Zhurma nga muzika e natës në Tiranë, mbi normat e BE-së
• Mbahet në Tiranë Forumi Ndërkombëtar i Turizmit