Vodhi një makinë dhe u arratis nga policia, arrestohet pas disa minutash 40-vjeçari

Policia e Vlorës ka ndjekur për disa minuta një 40-vjeçar i cili vodhi një makinë dhe u largua me shpejtësi.

Ata mundën të arrestonin burrin i cili rezulton me precedentë të mëparshëm penalë në fushën e vjedhjes.

Automjeti i vjedhur, së bashku me një automjet tjetër, që dyshohet se përdori 40-vjeçari për t’iu afruar vendit ku kreu vjedhjen, u sekuestruan në cilësinë e provës materiale.

40-vjeçari, pasi ka vjedhur automjetin tip “Suzuki”, në pronësi të shtetasit L. V., në vendin e quajtur “Llaman”, është larguar me shpejtësi, në aksin rrugor “Himarë-Sarandë”. Shërbimet e Policisë janë vënë menjëherë në ndjekje të këtij shtetasi, dhe pas disa minutash, kanë bërë të mundur kapjen e tij, bën me dije policia.

Vijon puna për zbardhjen e vjedhjeve të tjera që mund të jenë kryer nga ky shtetas.

LEXONI GJITHASHTU:

• Rrahu gjyshen dhe vodhi klientët në dy lokale, arrestohet 22-vjeçari problematik
• Vodhi para dhe sende me vlerë në një lokal, e ‘pëson’ autori