Arrestohet Edmond Haxhia dhe 2 britanikë, Çuçi: Tregues i bashkëpunimit të policisë

Arrestimi i 3 nga 6 personave të shpallur në kërkim për vrasjen e Ardian Nikulajt në Shëngjin, sipas ministrit Bledi Çuçi, është tregues i bashkëpunimit të autoriteteve shqiptare dhe atyre britanike.

“Përgëzime Policisë së Shtetit dhe partnerëve tanë britanikë për lajmin e konfirmuar për arrestimin e 3 personave të përfshirë në ngjarjen e rëndë në Shëngjin disa ditë më parë. Reagimi i shpejtë i palës britanike është tregues i bashkëpunimit në nivelet më të larta me Policinë e Shtetit dhe një punë e shkëlqyer hetimore e operacionale. Vijon puna intensive edhe për arrestimin e personave të tjerë në atë ekzekutim kriminal dhe vënien e tyre para drejtësisë,” – u shpreh ai.

Edmond Haxhia, Stephen Hunt dhe Thomas Mithan u arrestuan gjatë një operacioni të Agjencisë Kombëtare të Krimit (National Crime Agency).

Edmond Haxhia me shtetësi shqiptare dhe britanike, është djali i dajës së Elton dhe Klodian Lestakaj, të cilët 7-vite më parë akuzonin Ardian Nikulaj dhe Arben Nikulajn për vrasjen e dy familjarëve të tyre.

Stephen Hunt dhe Thomas Mithan janë me shtetësi britanike. Dy shtetas të tjerë britanik, mes tyre një vajzë, si dhe portugezi Ruben Saraiva janë ende në kërkim.

LEXONI GJITHASHTU:

• Arrestohen 3 nga personat e shpallur në kërkim për vrasjen e Ardian Nikulajt
• Zbulohet fotoja e vërtetë e vrasësit të Ardian Nikulajt