1 Maji në Evropë, Dita Ndërkombëtare e Punës i gjen vendet në krizë

1 Maji po rezulton një ditë shpërthyese në shumë vende të Evropës. Në Francë, pas muajsh të tërë protestash kundër reformës së pensioneve të miratuar nga qeveria Macron, shpirti i kontestimit vijon të ndihet.

Në ditët e fundit, protestat me tenxhere e tava janë mbajtur në vend, në shenjë proteste ndaj rizgjedhjes së Macron.

Në Portugali, klima e protestës është bërë më e fortë në muajt e fundit, kur vendi ka përjetuar një seri grevash dhe demonstratash nga mësuesit. Gjithashtu, çmimet e larta të shtëpive dhe rritja e kostos së jetesës janë bërë shkas për manifestime të tjera.

Në Greqi, demonstratat janë kthyer fuqishëm që pas aksidentit hekurudhor që vrau 57 persona në fund të shkurtit, që ekspozoi gjendjen e shërbimeve publike dhe me qytetarët që fajësonin qeverinë për mungesë sigurie.

LEXONI GJITHASHTU:

• Protesta për 1 Majin në Tiranë! Çfarë kërkojnë sindikatat për punëtorët shqiptarë
• Punëtorët e krahut në Durrës, çdo ditë në pritje që dikush t’u ofrojë punë