Protesta për 1 Majin në Tiranë! Çfarë kërkojnë sindikatat për punëtorët shqiptarë

1 Maji, Dita e Punëtorëve, është një ditë për të protestuar, por në Shqipëri ende kjo vlerësohet si një ditë feste apo një ditë pushimi. Një koalicion sindikatash ëhstë organizuar për të zhvilluar një protestë në atë që njihet si pedonalja e Tiranës, por pjesëmarrja e qytetarëve duket se është e ulët.

Ndërsa shumë qytetarë e shikojnë këtë ditë si një mundësi për t’u qetësuar e për të kaluar më shumë kohë me familjen.

Gazetarja Brunilda Cami në një lidhje direkte për Euronews Albania dha më shumë detaje për organizimin e kësaj proteste.

“Është një protestë modeste për shkak se pjesëmarrja e qytetarëve të Tiranës është e ulët. kjo është organizuar nga një koalicion sindikatash dhe organizatash të punëtorëve që gjenden në Shqipëri. Ndër to janë Sindikata e Mjekëve, Sindikatat e Punëtorëve, është Aleanca për Zhvillim.

1 Maji është një ditë proteste dhe jo një ditë feste ndaj këtë herë sindikatat kanë vendopsur të krijojnë një aleancë së bashku për të kërkuar më shumë të drejta për punonjësit.

Më herët kryetarja e këtij koalicioni tha se “nuk do të festojmë sa kohë në Shqipëri ka ende të drejta të punonjësve që nuk janë garantuar”. Koalicioni ka vendosur dhe ka hartuar një peticion që do ua çoj politik bërësve për të marrë edhe zgjidhje për disa nga problematikat që hasin të gjithë punëtorët në Shqipëri”,-tha gazetarja.

LEXONI  GJITHASHTU:

• Kërcënonte me armë zjarri gruan dhe fëmijët, arrestohet 53-vjeçari
• Erdogan: Forcat turke kanë vrarë “liderin” e grupit të Shtetit Islamik