Kreu i PD-së, Lulzim Basha gati për zgjedhje të parakohshme

Kryetari i Partisë Demokratike, Lulzim Basha gjatë mbledhjes së Kolegjit të Kryetarëve deklaroi se Partia Demokratike po bëhet gati për zgjedhje të parakohshme.

Basha tha se projektligji për ndryshimin e reformës zgjedhore do të jetë gati në fillim të janarit, dhe më pas do t’i nënshtrohen një konsultimi të gjerë për të marrë mendimin e anëtarësisë dhe qytetareve edhe përsa i përket aspekteve të tjera të reformës, siç është sistemi zgjedhor.

Gjithashtu gjatë mbledhjes, kryetari i PD-së u kërkoi strukturave të partisë, të identifikojnë familjet e prekura nga tërmeti, të cilat nuk kanë marrë ndihmë dhe të evidentojnë vlerësimet e banesave të tyre.