Kapet me 5 kg kanabis, arrestohet 19-vjeçari në Lezhë

Një 19-vjeçar është arrestuar ditën e sotme në Lezhë, pasi është kapur me 5 kilogramë kanabis.

Policia bën me dije se në kuadër të operacionit të koduar “Destinacioni final”, në pranga ka rënë shtetasi L. Z.

Mësohet se lënda narkotike u gjet në bagazhin e makinës me të cilën po udhëtonte ky i fundit.

“Nga kontrolli i ushtruar në bagazhin e automjetit që drejtonte 19-vjeçari, shërbimet e Policisë gjetën një qese të mbushur me rreth 5 kg lëndë të dyshuar narkotike cannabis sativa, sasi e cila u sekuestrua në cilësinë e provës materiale së bashku me automjetin dhe me celularë të të arrestuarit”- njofton policia.

Vijojnë veprimet hetimore për identifikimin e bashkëpunëtorëve të tjerë dhe dokumentimin e plotë ligjor të kësaj veprimtarie kriminale.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të metejshme, për vepren penale “Prodhimi dhe shitja e narkotikëve”.

LEXONI GJITHASHTU: 

• KQZ: Posterat pa shënimin ‘prodhuar në përgjegjësinë ligjore të subjektit’ do hiqen
• “Fushata s’është lokale”, Haxhimali: E eklipsojnë kryetarët dhe s’flasin kandidatët