“Burri më i fortë që kemi në qeveri”, Rama përgëzon Ballukun në Dibër

Kryeministri Edi Rama ishte në qarkun e Dibrës në kuadër të fushatës elektorale bashkë me Belinda Ballukun, përfaqësuesen politike të Partisë Socialiste në këtë qark.

Ndërsa bëri thirrje për të mos votuar kandidatët e opozitës, Rama komplimentoi Ballukun për punën e saj.

“Ky qark ka një avantazh tjetër, që ka Belindën këtu, që është burri më i fortë që kemi në qeveri, përveçse është dhe grua, dhe nënë, dhe shoqe. Është kokëderre e madhe si person dhe e keni parë që sa shumë rri këtu me ju, jo tani, por që kur ka ardhur e deleguar. Sa herë ndodh që e kërkoj më thotë jam në Dibër dhe realisht kemi vendosmërinë bashkë me Belindën, bashkë me gjithë të tjerët që t’i japim një shtysë shumë të fortë këtij qarku,” – u shpreh Rama.

LEXONI GJITHASHTU:

• Masakra në Beograd, Rama: E trishtë, ngushëllimet e mia më të thella
• “Like ‘floriri’ përfaqëson Bashkë Fitojmë”, Edi Rama: Turp për demokratët ta votojnë