Zgjedhjet e 25 prillit, publikohet ekstrakti i tretë i listave zgjedhore

Ministria e Brendshme ka publikuar ekstraktin e tretë të listave zgjedhore për zgjedhjet e datës 25 Prill 2021.

Ekstrakti i parë i përbërësve zgjedhor u publikua në 5 tetor 2020, ndërsa ekstrakti i dytë në 2 nëntor 2020.

“Zyrat e Gjendjes Civile në bashki apo njësi administrative, kanë detyrimin ligjor të printojnë ekstraktin e tretë të përbërësve zgjedhore sipas vendbanimit dhe qendrave të votimit, nën juridiksionin e tyre territorial. Ky ekstrakt, si edhe dy të parët, firmoset nga Kryetari i Bashkisë dhe publikohet në ambientet e bashkive/njësive administrative/në vende me hyrje të lirë të aksesueshme për publikun, ku çdokush mund të verifikojë emrin në listë”, thuhet në njoftimin e ministrisë së Brendshme.

Kështu duke nisur nga data 4 dhjetor 2020, Drejtoria e Përgjithshme e Gjendjes Civile do të nisë verifikimet për publikimin e listës së tretë të zgjedhësve.

Procesi i hartimit të Listës së Zgjedhësve kryhet nën mbikëqyrjen e auditëve teknicienë të KQZ-së, me akses të plotë në çdo etapë të këtij procesi.

“Çdo qytetar mundet të verifikojë edhe online emrin në listën zgjedhore, përmes portalit qeveritar e-Albania: https://e-albania.al/eAlbaniaServices/UseService.aspx?service_code=1241

Për çdo paqartësi ose problem që lidhet me listën zgjedhore, ftohen qytetarët të kontaktojnë me Zyrat e Gjendjes Civile përkatëse, ose të drejtohen në adresën zyrtare të MB [email protected]”, thuhet më tej në njoftim.

Lexoni gjithashtu:

Gjosha: LSI synon vota majtas, presim rezultat historik më 25 prill

Zgjedhjet e 25 prillit, Tiranës i shtohen dy mandate deputeti