Sociologu ngre alarmin: Me adoleshentët po merremi shumë pak

Sociologu Gëzim Tushi tha në një intervistë për Euronews Albania se adoleshentëve po u kushtohet shumë pak vëmendje.

Sipas tij është alarmuese situata, referuar këtu edhe masakrës në Serbi ku një 14-vjeçar vrau 9 persona në një shkollë fillore.

“1 në 5 adoleshentë bullizohet, qoftë dhe minorenë se ka filluar të ulet dhe mosha e bullizimit. Fenomeni i bullizimit, domethënë ngacmimi për shkak të pamjes fizike ose defekteve të lindura, apo të prapambetjes së zhvillimit mendor apo fizik, apo të arsyeve të tjera janë shumë të rrezikshme dhe ju garantoj që rasti i Beogradit, por dhe raste të tjera kanë dy zgjidhje, nëse ne nuk i trajtojmë si duhet, ose ata bëjnë vetëvrasje, ose në mënyrë të tmerrshme mund të bëjnë masakra të tilla,” – u shpreh Tushi.

Sociologu theksoi se të parët që duhet t’i vënë re anomalitë që vijnë si pasojë e bullizmit janë prindërit, të cilët është me rëndësi t’i kushtojnë vëmendje ndryshimeve të sjelljes te fëmijët dhe adoleshentët.

LEXONI GJITHASHTU:

• Disa shqiptarë nga Kosova ndezin qirinj për Serbinë
• Masakra në Serbi, ylli i basketbollit amerikan merr përsipër shpenzimet funerale