Masakra në Serbi, ylli i basketbollit amerikan merr përsipër shpenzimet funerale

Tragjedia e 3 majit e regjistruar në Beograd, ku një 14-vjeçar vrau me armë zjarri 8 nxënës dhe rojen e shkollës ka shokuar mbarë opinionin publik. Ngjarja u përhap menjëherë në mediat evropiane ku reagimi ka qenë i madh. Njëri prej tyre ishte dhe ylli i basketbollit amerikan Luka Donçiç, i cili shprehu ngushëllimet për ngjarjen, nga e cila ndihet i shokuar.

“Jam i shokuar nga të shtënat me armë në Serbi dhe humbja e jetëve të pafajshme. Lutjet e mia shkojnë për familjarët dhe komunitetin e prekur nga kjo tragjedi”, deklaroi ai.

Më tej 24-vjeçari ka shprehur gatishmërinë për të paguar funeralet e viktimave të regjistruara, si dhe të ofrojë ndihmë për personat e tjerë.

“Nëpërmjet fondacioneve unë jam duke gjetur mënyra të menjëhershme dhe afatgjata për të mbështetur studentët, pedagogët dhe familjet e prekura nga të shtënat në shkollën fillore Vladislav Ribnikar”, tha ai.

I shokuar nga tragjedia është parë dhe ylli tjetër i basketbollit amerikan, Nikola Jokic.

Kujtojmë se një masakër tjetër ndodhi në Serbi këtë të premte, ku 21 vjecari Urosh B, vrau 8 persona dhe plagosi 14 të tjerë në fshatin e tij pranë Beogradit.