Zhdukja e Sarandës/Dervishi zbërthen thelbin e konfliktit: Abuzimi me pronat

Ferdinand Dervishi tha se thelbi i konfliktit që solli zhdukjen e dy personave në Sarandë është abuzimi me pronat.

Bëhet fjalë për Leonard Thodhori i njohur si Koçolja dhe Fatmir Sulovari alias Fatmir Krasniqi, të cilët  u zhdukën pa gjurmë rreth një muaj më parë në Sarandë.

I ftuar në “Review”, në Euronews Albania, ai tha se Koçolja kishte tentuar të shiste dy herë një pronë dokumentet e të cilës nuk i kishte, ndërsa personi tjetër sipas tij është përfshirë rastësisht në këtë ngjarje.

“Kemi në Shqipëri aq shumë konflikte me pronat sa edhe mua të më pyesësh, e të gjithë kemi nga një konflikt pronësie. Kjo është një histori e cila bëhet fjalë për të shitur një pronë, e cila nuk ka dokumente të rregullta, apo nuk ka fare, është pronë e askujt.

Ndërkohë problemi është se tentohet të shesë një pronë kur nuk i ke dokumentat dhe ai t’i ka dhënë një pjesë të lekëve dhe e dyta është se ai të ka dhënë një pjesë të lekëve dhe e dyta është se ti tenton t’ia shesësh edhe një tjetri.

Pra bën rolin e një mashtruesi duke menduar po hë se këta s’kanë ç’më bëjnë. Besoj se ky është thelbi. Koçolja është personi që ka historinë e pronës, ndërsa personi tjetër është futur krejt rastësisht, pasi Koçolja rrinte me të pasi e shikonte si  një mburojë”,-tha Ferdinand Dervishi.

LEXONI GJITHASHTU:

• Gazetari: Ja përse nuk u zbulua çështja e dy të zhdukurve në Sarandë
• Gjeti gjarprin helmues në këpucën e të bijës, gruaja: Për pak e preka me fytyrë