Luhatja e PS, Fatbardh Kadilli: Dimri e merr në qafë mazhorancën

Anëtari i Këshillit Kombëtar të Partisë Demokratike, Fatbardh Kadilli tha në emisionin Barometri në Euronews Albania se rritja e pëlqyeshmërisë së Partisë Socialiste bën përshtypje.

Sipas tij dimri është vendimtar për mazhorancën, sepse në sondazhet e asaj periudhe nuk është në formë, ndërsa më pas qasja që vjen me fushatën e përmirëson situatën.

“Çfarë më ra në sy me krahasimin e muajve është luhatja e Partisë Socialiste që e fillon në shkurt me refuzim goxha të madh, rikuperon deri në mars, ka një rënie po mbetet në fund. Konstatimi im është që fushata si fushatë në ato 1 apo 2 muaj sa zgjat nuk ndryshon asgjë. Përgatitja për të ardhur të fushata është hapësira më e madhe që një parti të krijojë propozim politik,” – u shpreh Kadilli.

“Dimri gjithmonë e merr në qafë mazhorancën. Çdo studim që bëhet në dhjetor, janar, shkurt është i tmerrshëm për mazhorancën. Marsi fillon çel gjethi, entuziazmi, njerëzit i harrojnë hallet, ka më shumë dritë, ka më pak telashe, por nuk është vetëm kjo, nuk është natyra që e bën këtë ndryshim. Qasja e menduar e socialistëve duket që ka funksionuar,” – shtoi ai.

LEXONI GJITHASHTU:

• Veliaj – Këlliçi, kush e fiton Tiranën? Projeksionet finale të Barometrit
• Cila nga partitë është e përzgjedhura e qytetarëve për 14 majin?