Kamzë e Lushnjë| Qytetarët shkojnë për të votuar dhe largohen, nuk punojnë pajisjet

Në Pallatin e Kulturës në Bashkinë Kamzë, nuk ka nisur ende votimi elektronik për shkak se nuk po bëhet dot konfigurimi i pajisjeve elektronike.

Edhe pse 30 minuta kanë kaluar nga hapja e procesit, qytetarëve nuk iu është dhënë mundësia të ushtrojnë të drejtën e tyre.

Edhe në qendrën e votimit në shkollën “Ibrahim Rugova” ende nuk ka nisur procesi.

Ndërkohë në Lushnjë ka pasur probleme me pajisjen e identifikimit të kartave të identitetit.

Në disa qendra votimi, pajisja u rregullua që në momentet e para duke vijuar normalisht me procesin, ndërsa në disa të tjera vijon problemi.

Në të dyja rastet, edhe në Kamzë, edhe në Lushnjë, në qendrat e votimit ku ka pasur probleme qytetarët kanë shkuar të votojnë dhe janë larguar për t’u kthyer në një moment të dytë.

LEXONI GJITHASHTU:

• Hapen qendrat e votimit në Kukës
• Balluku, zyrtarja e parë që ushtron të drejtën e votës