PS kërkesë KQZ-së: Vijoni votimin edhe pa pajisjen e identifikimit elektronik

Pajisja e identifikimit elektronik PEi ka pasur probleme nga momenti i hapjes së procesit të votimit në orën 7:00 e në vijim në shumë qendra.

Për këtë arsye sekretari për Çështjet Ligjore në Partinë Socialiste, Eridian Salianji i ka kërkuar Komisionit Qendror të Zgjedhjeve të miratojë vijimin e votimit edhe pa pajisjen.

“Që prej asaj ore, ashtu si dhe ju jeni në dijeni, në të gjitha qarqet ku po zhvillohen  votimet janë hasur problematika të shumta në funksionimin e pajisjes së identifikimit elektronik, e cila ka çuar në bllokimin e procesit të votimit në këto qendra votimi. Për sa më sipër, bazuar në Kodin Zgjedhor, kërkojmë nga ana juaj marrjen e masave të menjëhershme për vijimin e votimit në këto qendra votimi ku pajisja PEi nuk funksionon, duke urdhëruar fillimin e menjëhershëm të votimit,” – thuhej në kërkesë.

LEXONI GJITHASHTU:

• Pjesëmarrja në votime deri në orën 8:00
• Policia e shtetit: Asnjë problem me qendrat e votimit dhe materialet zgjedhore