Shqipëria dhe Kosova fond të përbashkët në mbështetje të shqiptarëve në Mal të Zi

Ministri në detyrë për Evropën dhe Punët e Jashtme, Gent Cakaj, zhvilloi një vizitë zyrtare në Prishtinë, ku u takua edhe me Presidenten në detyrë të Republikës së Kosovës, Vjosa Osmanin.

Sipas detajeve të publikuara në profilin e tij në “Facebook”, ministri Cakaj, bëri me dije se fokusi I takimit u vendos mbi qasjen e përbashkët që të dy vendet duhet të kenë përsa i përket çështjeve në rajon dhe me gjerë.  

“Kosova dhe Shqipëria, si dy shtete që i takojnë një kombi, duhet të jenë absolutisht një zë i vetëm, sa i përket politikës së jashtme.”- theksoi Cakaj në reagimin e tij në Facebook, lidhur me takimin e zhvilluar me Osmanin. 

Kryediplomati Cakaj bëri me dije se Kosova e Shqipëria tashmë kanë lidhur marrëveshjen për fillimin e punës për ngritjen e fondit ndër-shtetëror për mbështetje të shqiptarëve në Mal të Zi.