Flet Lefter Maliqi pas humbjes në Kuçovë: E ndiej veten të fituar moralisht

Kandidati i koalicionit “Bashkë Fitojmë” për bashkinë e Kuçovës, Lefter Maliqi, deklaroi në një lidhje të drejtpërdrejtë për Euronews Albania se nuk do ta njohë rezultatin e zgjedhjeve lokale.

Ai tha se fushata u cënua nga Partia Socialiste, duke sjellë në Kuçovë gjithë makinerinë shtetërore.

Në fjalën e tij Maliqi shprehet se ndihet fitues moral, pasi ka marrë mbështetje tepër të lartë në një bastion të Partisë Socialiste.

“Unë falenderoj qytetarët e Kuçovës pasi e ndjej veten të fituar moralisht për mbështetjen që më dhanë gjatë gjithë kësaj kohë. Pasi ky ka qenë një bastion i majtë, ku Partia Socialiste ka fituar prej 33-vitesh mbi 3 mijë vota. Rezultatin unë do ta kontestojë në KQZ, pasi vetëm fushatë nuk ishte kjo. Pasi vetëmn fushatë nuk ishte kjo. Unë i kam bërë denoncimet publike dhe të gjitha provat i kam çuar te OSBE-ODHIR. Rezultatin unë nuk e njoh”, tha Maliqi.

LEXO GJITHASHTU:

• Mbyllet numërimi në Bashkinë e Vlorës, shpallet fituesi
• Qafoku i surprizuar nga vendi i tretë në zgjedhjet për Bashkinë e Tiranës: S’pritej
• “Bashkë fitojmë” drejt humbjes në Tiranë, vjen reagimi i parë nga Partia e Lirisë