VIDEO| Të moshuarit në votime tregojnë eksperiencat e tyre

Atifete Bajraktar, mund të jetë një ndër gratë më të moshuara që i janë drejtuar kutive të votimit në 14 maj.

Ajo është 88 vjeç dhe ka votuar në të gjitha zgjedhjet parlamentare dhe vendore.

Përsëritja çdo dy vjet e zgjedhjeve vendore në Dibër nuk e kanë lodhur Atifeten, ajo ka zgjedhur të shprehë vullnetin e saj për atë që dëshiron të drejtojë bashkinë në 4 vitet e ardhshme.

E shoqëruar nga të afërmit, Atifetja ka përmbushur këtë detyrim qytetar.

Në rrethin e Dibrës, duket se janë të shumtë të moshuarit që pavarësisht motit të ftohtë , nuk kanë braktisur votimet.

Në 16 qendrat e votimit në qytetin e Peshkopisë, mosha mesatare e votuesve ka qenë rreth të 50-tave.

LEXONI GJITHASHTU:

• KQZ nxjerr rezultatin zyrtar të zgjedhjeve
• Kryebashkiaku i Natës për Tiranën: Të majtët erdhën në votime, të djathtët jo