Ndryshon konfigurimi i Këshillit Bashkiak në Tiranë, PS i merr një mandat PSD-së

Teksa janë numëruar 907 qendra votimi nga 941 në total, konfigurimi i mandateve të Këshillit Bashkiak në Tiranë ka ndryshuar.

Partia Socialiste ka mundur t’i marrë 1 mandat Partisë Socialdemokrate, duke e çuar në 34 numrin e mandateve në Këshill.

Kur pritet numërimi i 34 kutive të fundit, PS kryeson bindshëm me 50.27% të votave, në total me 140 963 vota.

Në vend të dytë renditet koalicioni “Bashkë Fitojmë” me 65 666 vota, ose 23.42%. “Bashkë Fitojmë” ka siguruar 16 mandate në Këshillin e ri Bashkiak të Tiranës.

Me 4 mandate në vend të tretë renditet Partia Demokratike zyrtare e cila ka siguruar 18 960 vota, ose 6.76%.

Partia Socialdemokrate e Tom Doshit është tashmë në nivelin e dy mandateve, me 12 223 vota ose 4.36%.

Nga 1 mandat kanë mundur të sigurojnë dhe Lëvizja Bashkë, Nisma Thurrje, PDIU, LZHK dhe Partia Republikane.

LEXO GJITHASHTU:

• 300 mijë shqiptarë refuzuan të votojnë, opozita humbi 207 mijë vota nga 2021
• Pse u rrit PSD e Tom Doshit nga veriu në jug? Gazetari zbulon strategjinë