Ambasadorja greke viziton Belerin në paraburgim, dosja zyrtarisht në SPAK

Ambasadorja greke në Tiranë, Kostantina Kamitsi, ka mbërritur në ambientet e paraburgimit në Vlorë ku ndodhet fituesi i koalicionit “Bashkë Fitojmë” për Himarën, Fredi Beleri.

Ambasadorja pritet të ketë një takim me Belerin, vetëm një ditë pasi u konfirmua zyrtarisht nga avokati i këtij të fundit, kalimi i dosjes në Prokurorinë e Prokurorinë e Posaçme.

Gazetarja e Euronews Albania, Ebrieta Maçaj, tha se brenda 10 ditësh pritet që GJKKO të shprehet për masën e sigurisë të Fredi Belerit.

“Në këtë moment informacioni i vetëm që kemi është që dosja ka shkuar në SPAK dhe pritet që Brenda 10 ditësh të jepet vendimi për masën e sigurisë. Kalimin e dosjes së Belerit në SPAK e ka konfirmuar avokati I Belrit, Romario Meminaj”, tha gazetarja.

Kujtojmë se Fredi Beleri mundi të zgjidhej kryebashkiak i Himarës nga ambientet e burgut, pas arrestimit 3 ditë përpara zgjedhjeve nën akuzën për blerje votash.

LEXONI GJITHASHTU:

• “Isha kundër kandidimit të Belerit në Himarë”, Baçi: Nuk kam ndonjë simpati për të
• Beleri fitoi në burg, rastet që mund të çojnë në përsëritje të zgjedhjeve