Konstatohet një pako e dyshimtë në Rinas, Njësia Antieksploziv kryen verifikimet

Një pako e dyshimtë është konstatuar nga shërbimet e policisë në aeroportin e rinasit gjatë skanimit të disa pakove në ambientet e godinës së Kargos.

Menjëherë pas njoftimit, janë kryer të gjitha veprimet procedurale për sigurinë e shtetasve që ndodheshin në këto ambiente apo pranë tyre.

Nga veprimet e shpejta ekzaminuese, të kryera nga Njësia Antieksploziv e Repartit Special RENEA, në bashkëpunim me shërbimet e Komisariatit të Policisë Kufitare Rinas, Forcat e Ndërhyrjes së Shpejtë dhe ato të Drejtorisë së Antiterrorit, rezultoi se pakoja nuk kishte probleme.

Grupi hetimor vijon veprimet verifikuese, me qëllim dokumentimin e plotë ligjor të këtij rasti.

LEXO GJITHASHTU:

• Ngjarje e rëndë në Elbasan, gruaja vritet me sëpatë nga kunati (Emri)
• Ndërtoi godinën 2-katëshe në zonën e mbrojtur, arrestohet pronari në Ksamil