Çfarë do ndodhë me Belerin? Avokati: Deri në përfundim të hetimeve është i pafajshëm

Avokati Kujtim Cakrani tha në një intervistë për Euronews Albania se arrestimi i Fredi Belerit është një inskenim nga ana e policisë, prokurorisë dhe grupet e interesit që donin të rimerrnin bashkinë Himarë.

Sipas tij, derisa ndaj Belerit nuk ka një vendim të formës së prerë, ai do të marrë mandatin e kryebashkiakut nga Gjykata dhe do ta ushtrojë detyrën nga qelia ose jashtë saj.

“Marrja e mandatit është formalitet, gjykata do konstatojë  që është i padënuar dhe do i japë mandatin. Në momenti që i jep mandatin e detyrës, do shihet në do jetë nën zyrë apo do e ushtrojë nga qelia. Derisa ai të jetë në statusin e të padënuarit siç parashikohet në Kushtetutë do ketë gjithë të drejtën për të ushtruar detyrën. Në momentin që deklarohet fajtor me vendim të formës së prerë, i hiqet mandati i kryebashkiakut”, tha avokati.

LEXONI GJITHASHTU:

• Gazetari: Për të mirën e Shqipërisë dhe të Greqisë, Beleri duhet të lirohet
• Senatori Menendez për Belerin: Arrestimi i tij i paprecedentë, cenoi zgjedhjet