Pogradeci gati për sezonin, rriten prenotimet nga turistët e huaj

10 qershori është përcaktuar si çelja e sezonit veror në Pogradec. Përgatitjet këtë vit kanë nisur shumë herët dhe pritshmëritë janë të larta.

Oksana Merruko, menaxhere hoteli, thotë se prenotimet këtë vit kanë nisur më herët se vitet e shkuara dhe vihet re një shtim i turistëve të huaj, nga Europa e deri në Kanada.

Një nga elementët më tërheqës të turistëve në Pogradec krahas natyrës dhe liqenit është edhe gatimi. Fatjon Likollari prej 1 viti ka hapur një restorant në të cilin, i është përshtatur turizmit gjithëvjetor, edhe me menunë që ofron për çdo stinë.

Aktivitetet artistiko-kulturore, sportive por edhe shtrirja e turizmit nëpërmjet hartave dhe guidave edhe në zonat malore janë format që bashkia e qytetit do të përdorë për të zgjatur ditët e qëndrimit të turistëve në Pogradec.

Ndërkohë për këtë vit janë parashikuar edhe organizimi i eventeve ndërkombëtare me motorë, maratonë vrapi apo festivali i filmit ballkanik, aktivitete këto, që pritet t’i sjellin qytetit turistë nga mbi 25 vende të botës.

LEXONI GJITHASHTU:

• Sa funksionojnë guidat prefesionale të turizmit
• “Bëjnë kritika në hava”, Rama: Tirana sot, fuqia më e madhe tërheqëse e turizmit