Hapen aplikimet për regjistrimet në çerdhe, dokumentet që nevojiten

Duke nisur që nga data 5 qershor e deri më datë 9 qershor, prindërit do të mund të regjistrojnë fëmijët e tyre, në një prej 43 çerdheve të Tiranës.

Drejtues të institucioneve që kujdesen për fëmijët tregojnë se cilat janë dokumentet që duhen për regjistrim.

Zhaneta Beqiri, nga Drejtoria e përgjithshme e Çerdheve dhe Kopshteve deklaroi për Euroneës:

“Gjatë gjithë javës të interesuarit që kanë nevojë për të marrë këtë shërbim, duhet të bëjnë aplikimin, në një nga cerdhet e njësisë së afërt. Dokumentet janë standard, vërtetimet e punës së prindërve, certifikata e fëmijës dhe ajo familjare. Është një aplikim normal”.

Beqiri theksoi se në çerdhe mund të shkojnë çdo fëmijë, pavarësisht kushteve ekonomike të familjes.

“Sa i takon kategorive prioritare, do të ketë në vëmendje fëmijët që janë me nevojat e veçanta, apo që trajtohen më ndihmë ekonomike prindërit”, tha ajo.

Janë 4000 fëmijë që frekuentojnë çerdhet e kryeqytetit çdo ditë. Ky numër është rritur nga viti që lamë pas me rreth 800 fëmijë.