Sekuestrohen 20.000 paund, procedohet penalisht 29-vjeçarja

Policia Kufitare dhe autoritetet doganore goditën një tjetër rast të mosdeklarimit të të hollave në kufi.

29-vjeçarja me inicialet V.D., që nuk i deklaroi paratë u ndalua në vijën e dytë, në hyrje të Republikës së Shqipërisë nga shërbimet e Policisë Kufitare në Rinas, në bashkëpunim me specialistët e Drejtorisë së Antitrafikut në Drejtorinë e Përgjithshme të Doganave.

Gjatë kontrollit fizik dhe në valixhen e saj janë gjetur dhe sekuestruar në cilësinë e provës materiale 20.000 paund, të cilat kjo shtetase nuk i kishte deklaruar.

Në përfundim të veprimeve hetimore, shtetasja V. D. u procedua penalisht për veprën penale “Mosdeklarimi i të hollave dhe sendeve me vlerë në kufi”.