Vrasja e 25-vjeçarit, Salianji: Shteti i Ramës po vret, Lleshaj duhet të reagonte i pari

Ish-deputeti i Partisë Demokratike, Ervin Salianji në Euronews Albania hodhi akuza ndaj qeverisë Rama, pasi theksoi se shteti që ky i fundit ka ndërtuar dhunon qytetarët.

Salianji nënvizoi se ministri i Brendshëm Sandër Lleshaj duhet të reagonte menjëherë për vrasjen e 25-vjeçarit, Klodian Rasha.

“I pari, duhet të ishte ministri i Brendshëm Sandër Lleshaj, por është i fundit. Por, mesa duket pjesa e përgjegjësisë në këtë rast që është drejtpërdrejt tek ti dhe kryeministri dhe tek mënyra sesi kanë ndërtuar një shtet represiv dhe një polici e cila kujdeset vetëm për të dhunuar qytetarët dhe për t’i bërë fresk bandave dhe urë kriminelëve. Kjo tregon gjithë filozofinë e ndërtimit të shtetit të Ramës”, u shpreh Salianji.

Sipas ish-deputetit qeveria e Edi Ramës tashmë po vret dhe se policia drejtohet nga persona të paaftë. 

“Tani shteti i krijuar nga Edi Rama po vret. Është një ngjarje shumë  e rëndë. Kam reaguar në mënyrë të menjëhershme në rrjetet sociale. Nuk ka diskutim që polica e shtetit ka oficerë dhe policë të cilat janë në nivelin e përgjegjshmërisë dhe profesionalizimit. Këta janë të veçuar, sepse policinë e shtetit e përdorin persona të paaftë”, tha ai.

Lexoni gjithashtu:

Vrasja e Klodian Rashës, shokët: Nuk ka qenë i armatosur, veprimi i policisë i paligjshëm

Vrasja e Klodian Rashës, Lleshaj: Organet do të finalizojnë shpejt hetimet

Të rinjtë e FRPD-së protestë për vrasjen e Klodian Rashës: Lleshaj të japë dorëheqjen