Theu masën “arrest në shtëpi” për të shpërndarë kanabis, 39-vjeçari vihet në pranga

Një 39-vjeçar, banues në qytetin e Vlorës është vënë në pranga pasi qytetari me inicialet E.O. theu masën e sigurisë  “arrest në shtëpi” për të shpërndarë kanabis.

Gjatë kontrollit fizik dhe kontrollit në banesën e E.O., shërbimet e Policisë kanë gjetur doza më lëndë të dyshuar narkotike kanabis, të cilat u sekuestruan në cilësinë e provës materiale.

Njoftimi i policisë

Specialistët për Hetimin e Trafiqeve dhe Narkotikëve, në vijim të kontrolleve për kapjen e shtetasve që ushtrojnë veprimtari kriminale në fushën e narkotikëve, bazuar dhe në informacionet e siguruara përmes inteligjencës informative, për një rast të kësaj veprimtarie kriminale, kanë arrestuar në flagrancë shtetasin E. O., 39 vjeç, banues në Vlorë.

Gjatë kontrollit fizik dhe kontrollit në banesën e këtij shtetasi, shërbimet e Policisë kanë gjetur doza më lëndë të dyshuar narkotike kanabis, të cilat u sekuestruan në cilësinë e provës materiale.

Nga veprimet hetimore ka rezultuar se ky shtetas kishte thyer masën e sigurisë “Arrest në shtëpi”, të caktuar nga Gjykata, për veprat penale “Drejtimi i automjeteve në mënyrë të parregullt” dhe “Largimi nga vendi i aksidentit”, duke dalë jashtë banesës së tij, me qëllim shitjes e dozave të lëndës narkotike.

Materialet i kaluan Prokurorisë, për veprime të mëtejshme, për veprat penale “Largimi i të burgosurit nga vendi i qëndrimit” dhe “Prodhimi dhe shitja e narkotikëve”.

LEXONI GJITHASHTU:

• Suel Çela nuk pajtohet me masën e sigurisë, rekurs nga arratia në Gjykatën e Lartë
• Si PS fitoi Shkodrën? Berisha: Rama e donte me çdo kusht, vendosi paqe mes 5 bandave