Siguroi qindra mijëra euro përmes mashtrimit, arrestohet 30-vjeçarja në Tiranë

Një 30-vjeçare është arrestuar nga policia e Tiranës për veprën penale të “Mashtrimit”.

Uniformat blu bëjnë me dije se kjo shtetase iu mori disa herë shuma të mëdha parash 3 shtetasve (familjarë), duke i mashtuar se do t’i ndihmonte në një proces gjyqësor.

Nga hetimet e thelluara dokumentohet edhe një rast i marrjes së shumës 230 000 euro nga kjo shtetase, me anë të mashtrimit.

30-vjeçarja mashtroi një shtetase në rastin e dytë duke i premtuar se do t’i investonte paratë në bono thesari, por që nuk ia ktheu më.

Materialet i kaluan Prokurorisë pranë Gjykatës së Shkallës së Parë të Juridiksionit të Përgjithshmëm Tiranë, për veprime të mëtejshne procedurale.

“Strukturat hetimore të DVP Tiranë, në vijim të punës për goditjen e paligjshmërive, kanë organizuar dhe finalizuar operacionin policor të koduar “Last fraud”, si rezultat i të cilit u bë ndalimi i shtetases M. D., 30 vjeçe, banuese në Tiranë. Gjithashtu u shpallën në kërkim shtetasit A. V., Sh. V. dhe H. V. (babai dhe dy djemtë), të tre banues në Shkodër.

Kjo shtetase iu ka marrë në mënyrë të përsëritur shuma të mëdha parash shtetasve A. V., Sh. V. dhe H. V., duke i premtuar se do t’i ndihmonte ata në një proces gjyqësor.

Në vijim të veprimeve u shpallën në kërkim shtetasit A. V., Sh. V. dhe H. V., pasi me vetëgjyqësi kanë kanosur shtetasen M. D., për kthimin e parave.

Nga veprimet e thelluara hetimore është dokumentuar edhe një rast tjetër mashtrimi i kryer nga shtetasja M. D.,e cila gjatë një viti i ka marrë në total rreth 230 000 euro një shtetasje, duke i premtuar se do t’i investonte paratë në bono thesari”, njofton policia.

LEXO GJITHASHTU:

• EMRI| 570 mijë euro ‘dëm’, kush është supermashtruesja e ndaluar në Tiranë
• Zëdhënësi i fushatës së Belerit: Më vendosën çip në makinë, përgjuan vëllanë mekanik