Të shtëna me armë në Kuçovë, një i plagosur rëndë transportohet drejt Tiranës

Një plagosje me armë ka ndodhur mbrëmjen e së premtes në qytetin e Kuçovës.

Ngjarja ka ndodhur në  lagjen “1 Maji” ku autori me inicialet L.S ka qëlluar disa herë me pistoletë në drejtim të Donal Grymshit.

I plagosuri është transportuar në gjendje të rëndë drejt Spitalit Rajonal Berat ku pasi ka marrë ndihmë e parë mjekësore është transportuar drejt Spitalit të Traumës në Tiranë.

Mjekët e spitalit të Beratit konfirmojnë se i plagosuri kishte humbur shumë gjak dhe ishte në gjendje kritike për jetën.

Ende nuk dihen shkaqet e ngjarjes dhe motivi se përse 24-vjeçari i plagosur Donald Grymshi ndodhej në qytetin e Kuçovës, pasi është shtetas me banim në Tiranë. Në vendngjarje kanë mbërritur forca të shumta policie që po kryejnë edhe kqyrjen e vendit të ngjarjes, ndërkohë që po punohet për kapjen e autorit që pas plagosjes u largua nga vendngjarja.

LEXONI GJITHASHTU:

• Rusia bombardon Dnipron, viktima dhe të plagosur, Moska akuzon Kievin për agresion
• 5 policë të plagosur nga përplasjet në veri të Kosovës