Sheholli: Demokracia nuk mbahet me polici, të ketë zgjedhje të reja në Veri

Drejtuesi i Institutit për Afirmimin e Marrëdhënieve Ndëretnike, Fatmir Sheholli, komentoi situatën e tensionuar së fundmi në veri të Kosovës pas zgjedhjes së kryetarëve të rinj në komunat serbe.

Në një intervistë për Euronews Albania, ai theksoi se demokracia nuk mbahet me polici dhe sipas tij kryeministri i Kosovës Albin Kurti e di mjaft mirë këtë gjë.

Sipas tij kryetarët e zgjedhur duhet të kenë fillimisht një punë teknike që më pas të zhvillohen zgjedhje të reja, duke qenë se shumica serbe nuk i pranon në krye të komunave.

“Unë nuk e di çfarë veprimi politik do të ketë, por me polici nuk mbahet demokraci. Këtë çështje e di Kurti. Nëse do vazhdojmë  që me polici ti dërgojmë këta kryetarë  komune në objektet komunale, kjo është vaj halli për demokracinë, prandaj dhe SHBA ka deklaruar atë që ka deklaruar. Do ishte shumë mirë që Kurti dhe organet e Kosovës të pohojnë se këta kryetarë të kenë  një punë teknike administrative, për një periudhë dy mujore dhe do futemi në zgjedhje të reja. Nuk e di se çfarë pune do të kryejë ai kur shumica e serbëve që jetojnë atje nuk e pranojnë”- tha ai.

LEXONI GJITHASHTU: 

• Kush do ta trashëgojë pasurinë marramendëse të Tina Turner
• “370 mln euro për rritjen e pagave”, Pano: Ja kush do ti paguajë kostot