Përplasi për vdekje 38-vjeçarin dhe u largua, arrestohet pas dy ditësh i riu

Policia e Kurbinit ka arrestuar një 35-vjeçar i cili më datë 31 maj, përplasi për vdekje një 38-vjeçar që po udhëtonte me biçikletë.

Aksidentoi para dy ditësh, një 38- vjeçar, me pasojë vdekjen, dhe u largua menjëherë nga vendi i aksidentit, identifikohet dhe arrestohet drejtuesi i automjetit.

Ngjarja ndodhi në aksin rrugor Fushë Mamurras – Adriatik, në vendin e quajtur “Presa e Bamit” dhe shoferi u u largua menjëherë nga vendi i aksidentit.

38- vjecari është gjetur nga kalimtarët dhe më pas është transportuar në spital, por si pasojë e lëndimeve të rënda fizike të marra ndërroi jetë në spital.

Gjithashtu, në cilësinë e provës materiale është gjetur dhe sekuestruar automjeti tip “Benz” që drejtonte shtetasi S. R., në momentin e aksidentit.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme, për veprat penale “Shkelja e rregullave të qarkullimit rrugor” dhe “Largimi nga vendi i aksidentit”.

LEXONI GJITHASHTU:

• Vrasja e 33-vjeçarit në Itali, autori ‘kyç gojën’. Fqinj me viktimën në Shqipëri
• Prodhonte mina për grupet kriminale, arrestohet “tregtari i armëve” në Lezhë
• U zunë për motive banale, 49-vjeçari qëllon me thikë të vëllanë