Prodhonte mina për grupet kriminale, arrestohet “tregtari i armëve” në Lezhë

Një 66-vjeçar është arrestuar nga policia, pasi dyshohet si një person që furnizonte me municion luftarak grupet kriminale në zonën e Lezhës.

Ky shtetas prodhonte mina me telekomandë, siguronte municion të konsiderueshëm luftarak dhe armë zjarri, me qëllim shitjen e tyre për llogari të personave apo grupeve kriminale.

Gjatë operacionit policia ka sekuestruar disa armë zjarri, mina me telekomandë, lëndë plasëse dhe dhe kapsolla denatore.

Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Lezhë, për veprime të mëtejshme.

“Strukturat hetimore të DVP Lezhë kanë koordinuar veprimet me strukturat e Drejtorisë Vendore të Policisë Dibër dhe në kuadër të operacionit policor të koduar “AMONEKS”, kanë kapur dhe arrestuar në flagrancë në fshatin Arrëmollë të Lurës, shtetasin Q. A., 66 vjeç, banues në Arrëmollë, Lurë.

Ky shtetas prodhonte mina me telekomandë, siguronte municion të konsiderueshëm luftarak dhe armë zjarri, me qëllim shitjen e tyre në qarkun Lezhës, për llogari të personave apo grupeve që kryenin veprimtari kriminale.

Strukturat hetimore të DVP Lezhë, në bashkëpunim me ato të DVP Dibër dhe Prokurorinë, po vijojnë veprimet e thelluara hetimore, me qëllim zbardhjen dhe dokumentimin e plotë të kësaj veprimtarie kriminale, identifikimin dhe kapjen e shtetasve të tjerë të implikuar në këtë rast”, njofton policia.

LEXONI GJITHASHTU:

• U zunë për motive banale, 49-vjeçari qëllon me thikë të vëllanë
• Vodhi dhe dhunoi 2 shtetas, arrestohet nënkomisari i policisë në Shkodër
• U kapën për vrasje në tentativë, jepet masa e sigurisë për 2 të rinjtë